野生大閘蟹

過去幾年的蟹季，本地蟹商都爭相引入陽澄湖、太湖以外出產的新蟹種，如牧牛湖、洪澤湖、固城湖等，花多眼亂。 進口野生蟹的蟹店如老三陽、成隆行都力挺野生蟹膏香肉甜，滋味遠在養殖蟹之上，在一眾蟹迷中引起迴響。到底野生蟹是否勝過養殖何蟹？

甚麼是野生大閘蟹?

大閘蟹，又稱中華絨毛蟹，特徵是爪上密集的絨毛，於河、湖、塘等淡水水域生長，生命力頑強。 所謂野生，就是沒有人飼養，在湖內自由覓食，漁民只要在河口放一道竹閘，用燈光一照，大閘蟹便一擁而入，故名大閘蟹。 前輩食家江獻珠、唯靈等當年都嘗過野生大閘蟹，說蒸時已聞到濃郁的蟹香，蟹膏軟滑，味鮮肉甜。 其實在八十年代前，陽澄湖、太湖所產的都全是野生蟹。 後來香港人迷上食大閘蟹，野生蟹數量追不上港人需求，漁民便改用圍網養殖大閘蟹，把購入的蟹苗放進指定的範圍內將之從小養大，用魚仔、螺仔餵飼，令供應量大為增加，其他湖區亦相繼跟風。 由於此消彼長的關係，近年野生蟹的數目急劇下降，粗略估計，野生蟹佔整體大閘蟹的比率，不足 7-8%。

有些蟹店聲稱自己是獨家發售野生蟹，到底誰是真正「獨家」？

現時市面上有三家蟹店賣野生蟹，其中老三陽及成隆行都標榜獨家發售野生太湖蟹，據湖管會主任林建華稱，太湖野生蟹由江蘇水產管理有限公司經銷。而老三陽就是其香港獨家分銷商。 另一方面，成隆行則聲稱其太湖野生蟹由當地漁民捕捉後，直接獨家供應給她。 由於兩者均沒有證書可證明，所以無法作實。 香港人對野生二字，特別有信心，那到底野生大閘蟹的風味，是不是真的遠勝養殖大閘蟹？ 準則 肉：鮮甜，蟹香濃郁，夠實淨，不會水泡泡。 膏：要夠香，入口滑溜，黐牙中帶 creamy的質感。

a.野生大閘蟹　老三陽$380/斤（肉甜膏香）

肉：都幾重身，肺夠白，估計個生活環境唔錯；每隻腳嘅肉唔黐殼，夠實身，有鮮味，唔錯。 膏：夠香滑同黐口，香味唔錯，有近八成膏量，合格有餘。

b.野生大閘蟹　成隆行$380/斤

肉：好乾淨，都幾實淨，可以原條腿肉咁剝出嚟，但味道淡。 膏：唔香亦唔稠，得七成膏量，味薄，麻麻哋。

c.野生大閘蟹　華興行$128/隻

肉：肉質唔錯，可惜味道唔夠鮮。 膏：分量夠，蟹味濃郁，亦都夠滑，不過唔夠 creamy。

d.太湖養殖蟹　華記永昌號$340/斤

肉：夠結實，連蟹腳邊都抽得出嚟，肉夠甜，唔錯。 膏：黏性唔錯，蟹味幾濃。

e.陽澄湖養殖蟹　永富$338/斤

肉：無味！就算無鮮味都應該有少少腥味，但都無。 膏：唔夠香滑，唔合格。












總結

a.最出色， d.次之。

最多選擇　老三陽

賣蟹四十多年，名人客仔一大籮，董建華、邵逸夫都是熟客。大閘蟹產地選擇多，陽澄湖、太湖、長蕩湖、固城湖都有，識別標籤、衛生證書等齊備。今年更引入太 湖野生蟹，且 size齊全，連罕有 8両野生蟹都有，索價極高， 8両或以上要$640/斤。其餘野生蟹分三個級別， 5両/$240/斤、 6両/$380/斤、 7両/$560/斤，不設籮裝發售。 送貨：惠顧約$800以上免費送貨。 奉送：糖、薑、醋、紫蘇葉。惠顧約 500元以上送食蟹用剪刀。 地址：香港銅鑼灣利園山道 27B地下

逐隻蟹賣　華興行

早於十年多前已直接從太湖漁民引入野生蟹。所有蟹以隻計算，不以斤両計。野生蟹分三級，約 5両/$60/隻、約 6両/$118/隻、約 7両/$300/隻，更設籮裝發售，售價平均每隻再平兩成！另外還有養殖太湖蟹和陽澄湖蟹發售。 送貨：惠顧約$800以上免費送貨。 奉送：糖、薑、醋、紫蘇葉。惠顧約 500元以上送食蟹用剪刀。 地址：九龍佐敦吳松街 148號 I-J地鋪

精選靚蟹　成隆行

因為怕野生蟹質素參差，撈捕後會送到太湖自設的暫養基地，餵飼料十數天，催肥蟹身，再經多重人手，精挑細選才售賣。店內有小水池放養野生蟹，但與養殖蟹一同擺放，如何分辨，全憑店內員工經驗。野生蟹只有約 6両重發售，賣$380/斤。 送貨：惠顧約$1,000以上免費送貨。 奉送：糖、薑、醋、紫蘇葉。惠顧約 500元以上送食蟹用剪刀。 地址：香港上環永樂街 120號地下





其他售蟹點

華記永昌號

地址：銅鑼灣駱克道 476號地下

永富

地址：九龍城侯王道 47號地鋪